Zjarri shpërtheu në një banesë dykatëshe në fshatin Krutje, pranë Lushnjës, duke dëmtuar rëndë pronën. Orenditë brenda shtëpisë u dogjën plotësisht.
Dy automjete të zjarrfikësve nga Lushnja ndërhynë me shpejtësi. Ata arritën të shuajnë flakët dhe të parandalojnë përhapjen e zjarrit te banesat fqinje, të cilat ishin shumë pranë vatrës. Shërbimet e policisë së Komisariatit Lushnjë gjithashtu mbërritën në vendngjarje. Ata po hetojnë shkaqet e zjarrit, i cili dyshohet të ketë nisur nga një shkëndijë elektrike.