Franca është prekur rëndë nga zjarret në Pirenej, pranë kufirit me Spanjën. Autoritetet franceze njoftojnë se flakët vijojnë të jenë jashtë kontrollit, duke përfshirë mbi 11,000 hektarë tokë. Si pasojë, 16 persona, përfshirë katër zjarrfikës, kanë marrë plagë. Franca ka aktivizuar Mekanizmin Evropian të Mbrojtjes Civile, ndërsa Bashkimi Evropian ka dërguar katër avionë zjarrfikës dhe mbi 100 zjarrfikës nga Suedia dhe Qiproja për të ndihmuar. Një etapë e garës Tour de France u kufizua për shkak të situatës.
Në Spanjë, rreth 22,000 hektarë tokë janë shkatërruar nga zjarret, ku 97% e sipërfaqes së djegur ndodhet në zonën e mbrojtur natyrore Les Gavarres. Rreth 500 banorë u evakuuan në provincën Castellón pas shpërthimit të një zjarri në parkun natyror Sierra de Espadán.
Edhe Portugalia po lufton me qindra vatra zjarri. Zjarri më i madh ka djegur mbi 11,000 hektarë. Spanja dërgoi 118 zjarrfikës, 45 mjete dhe tre avionë në ndihmë të autoriteteve portugeze. Nga 1 deri më 5 korrik, mbi 150,000 hektarë tokë janë djegur në Portugali, katërfish më shumë se në vitin 2025 (sic!), ndërsa numri i zjarreve është rritur me 70%.
Vala rekord e të nxehtit po intensifikon zjarret dhe ka shkaktuar viktima. Ajo lidhet me ndryshimet klimatike. Vala e të nxehtit ka rezultuar në të paktën 2,025 vdekje shtesë në Francë, 1,222 në Belgjikë dhe rreth 480 në Holandë. Autoritetet paralajmërojnë rrezik të lartë edhe në ditët në vijim.