Zgjerimi i biznesit të Beckham pritet të përfshijë një gamë të gjerë artikujsh për ambientet e shtëpisë. Koleksioni do të përfshijë enë kuzhine, gota, filxhanë, pjata, takëme, vazo dekorative, mobilje, jastëkë dhe aksesorë të tjerë.
Ky hap vjen ndërsa Beckham ka pranuar se është e hapur ndaj shitjes së mundshme të biznesit në të ardhmen, por aktualisht fokusohet te rritja e markës. Ajo po planifikon gjithashtu zgjerimin e dyqaneve fizike në New York dhe Miami, me synim kontrollin e përvojës së klientëve.
Stilistja theksoi se ka ende shumë kategori ku marka e saj nuk është prezente, duke parë potencial të madh për zhvillim. Pas shumë vitesh punë, biznesi i saj në modë dhe bukuri është bërë fitimprurës. Beckham ka përjashtuar një rikthim në muzikë, duke thënë se ky pasion tashmë i është lënë djalit të saj, Cruz.