Shpëtimi ndodhi në një zonë të goditur rëndë nga lëkundjet sizmike. Familja kishte mbetur e bllokuar nën rrënojat e një ndërtese banimi që nga momenti i katastrofës. Ekipet e emergjencës vazhduan kërkimet pa ndërprerje.
Autoritetet njoftuan se nëna i mbajti gjallë fëmijët e saj duke i ushqyer me gji gjatë gjithë periudhës së izolimit. Pas lokalizimit, ekipet e shpëtimit i nxorën të gjallë, duke e cilësuar këtë si një histori të jashtëzakonshme mbijetese.
Deri më tani, bilanci zyrtar i tërmeteve numëron 3,685 viktima dhe 16,740 të plagosur. Mijëra persona mbeten ende të zhdukur. Tërmetet kanë shkatërruar ose dëmtuar rreth 60 mijë ndërtesa, duke lënë pa strehë mijëra familje.
Autoritetet paralajmërojnë për rrezikun e përhapjes së sëmundjeve infektive. Kjo vjen për shkak të mungesës së ujit të pijshëm dhe kushteve të vështira higjieno-sanitare në zonat e prekura.