Trump mbërriti në Turqi për Samitin e NATO-s

Presidenti amerikan Donald Trump ka mbërritur në Turqi për të marrë pjesë në Samitin e NATO-s. Ai u prit nga homologu turk, Rexhep Tajip Erdogan, pas një fluturimi nga Uashingtoni.

Presidenti i Shteteve të Bashkuara, Donald Trump, zbarkoi në Ankara me avionin presidencial të ri. Kjo ishte hera e parë që avioni, i dhuruar nga Katari, përdoret për një udhëtim presidencial jashtë vendit.

Në pistë, Trump u prit personalisht nga Presidenti Erdogan, një shenjë e marrëdhënieve të ngushta mes dy liderëve. Trump e ka cilësuar shpesh Erdoganin si “mik”.

Shtëpia e Bardhë njoftoi se në pritje ishin edhe ambasadori i SHBA-së në Turqi, i dërguari special presidencial për Sirinë dhe Irakun, Tom Barrack, ambasadori i SHBA-së në NATO, Matt Whitaker, dhe Kryetari i Shtabit të Përbashkët të Ushtrisë, gjenerali Dan Caine.