Presidenti amerikan, Donald Trump, ka deklaruar të martën se ishulli i Grenlandës duhet të kontrollohet nga SHBA-ja, jo nga Danimarka. Këtë kërkesë ai e theksoi gjatë samitit të liderëve të NATO-s në Ankara, Turqi, ku gjithashtu njoftoi për heqjen e sanksioneve ndaj shtetit nikoqir.
Gjatë takimit me presidentin turk Recep Tayyip Erdogan, Trump ritheksoi se SHBA-ja duhet ta blejë ose kontrollojë ishullin gjysmëautonom, i cili aktualisht është territor danez. Kjo çështje ka shkaktuar tensione të mëparshme mes Washingtonit dhe Kopenhagës, të dyja vende anëtare të NATO-s. Trump pohoi se kjo çështje ka ndikuar negativisht në marrëdhëniet me NATO-n.
Lidhur me Turqinë, presidenti Trump njoftoi se SHBA-ja do të heqë sanksionet e vendosura kundër Ankarasë. Këto sanksione u aplikuan pas blerjes së raketave ruse nga Turqia, duke ndaluar shitjen e aeroplanëve luftarakë. Trump tha se Sekretari i Shtetit dhe Thesarit po merren me këtë çështje, duke paralajmëruar rihapjen e mundësisë për shitje armatimesh.