Zoti Trump, duke folur në Shtëpinë e Bardhë, pohoi se preferon një zgjidhje diplomatike, por shtoi se SHBA-ja ka kapacitetin të godasë infrastrukturën iraniane në rast nevoje. Ai u shpreh se Irani duhet të zgjedhë mes arritjes së një marrëveshjeje ose përballjes me pasojat.
Presidenti amerikan përsëriti se Irani nuk duhet të zotërojë kurrë armë bërthamore, megjithatë theksoi se SHBA-ja nuk synon ndryshimin e regjimit në Teheran. Më tej, Trump deklaroi se operacionet e fundit ushtarake amerikane kanë dobësuar aftësitë ushtarake të Iranit, duke pretenduar se janë goditur marina, forcat ajrore, sistemet e radarëve dhe drejtuesit ushtarakë. Ai theksoi se Irani dëshiron një marrëveshje, por kjo duhet të respektojë kushtin kryesor të SHBA-së për moszhvillimin e armëve bërthamore nga Teherani.