Jorge Rodríguez, presidenti i Parlamentit të Venezuelës, njoftoi bilancin e ri të vdekjeve. Operacionet e kërkim-shpëtimit vijojnë intensivisht. Autoritetet bënë me dije se 16.740 persona janë plagosur dhe 6.462 janë nxjerrë të gjallë nga rrënojat.
Pasojat humanitare janë të rënda. 17.907 persona kanë mbetur pa banesë, ndërsa rreth 20.000 të tjerë janë strehuar në kampe të përkohshme në Karakas dhe zona të tjera të prekura. Dy tërmetet, me magnitudë 5.2 dhe 5.7 të shkallës Rihter, shkatërruan plotësisht 190 ndërtesa dhe dëmtuan rëndë mbi 856 të tjera.
Qeveria venezueliane ka intensifikuar përpjekjet për të siguruar fonde për përballimin e krizës. Presidentja Delcy Rodríguez i ka bërë thirrje Fondit Monetar Ndërkombëtar (FMN), Bankës së Anglisë dhe Shteteve të Bashkuara të lirojnë asetet financiare të vendit. Rreth 4.2 miliardë dollarë në ar venezuelian mbeten të bllokuara në Bankën e Anglisë. Gjithashtu, afro 5 miliardë dollarë në Të Drejta Speciale të Tërheqjes (SDR) pranë FMN-së nuk janë vënë në dispozicion të Karakasit që prej vitit 2021. Ndërkohë, ekonomistë ndërkombëtarë i kërkojnë SHBA-së të lehtësojë sanksionet ekonomike ndaj Venezuelës.