Veton Surroi, në një bashkëbisedim me historianin serb Milivoj Beshlin, shpjegoi se nuk ekzistonte një qendër së cilës t'i drejtoheshin kërkesat për ndryshime kushtetuese. Ai shtoi se ngjarjet e vitit 1981 rigjallëruan idetë e Dobrica Qosiqit, të cilat synonin shfuqizimin e autonomisë së Kosovës dhe rritjen e kontrollit. Këto politika u zbatuan më pas nga Sllobodan Millosheviqi.
Sipas Surroit, ndonëse Qosiqi nuk ishte në pushtet, idetë e tij udhëhoqën politikën serbe gjatë viteve '80. Ai citoi Qosiqin të ketë thënë: 'Kisha të drejtë, Leka Rankoviqi kishte të drejtë', duke shënuar rikthimin drejt centralizimit që përfundoi me shkatërrimin e shtetit.
Milivoj Beshlin, nga ana e tij, theksoi se demonstratat e vitit 1981 u cilësuan si kundërrevolucionare dhe u shtypën me forcë. Ai shtoi se regjimi ushtarak i vendosur në Kosovë pas këtyre ngjarjeve nuk u largua kurrë plotësisht. Beshlin tha se nuk ka një përgjigje të qartë në historiografi nëse protestat u ndikuan nga faktorë të jashtëm apo ishin zhvillim i brendshëm.