Sulmi në Komisariat: 12 të dyshuar, 1 arrestim

Policia e Shtetit ka identifikuar 12 persona të përfshirë në sulmin ndaj Komisariatit të Policisë nr. 3 në Tiranë, ndodhur më 4 korrik gjatë një tubimi. Një person është arrestuar, ndërsa shtatë të tjerë janë proceduar penalisht në gjendje të lirë.

Katër persona të tjerë janë shpallur në kërkim lidhur me incidentin. I arrestuari është 33-vjeçari me inicialet E.H. Personat e proceduar në gjendje të lirë janë shtetasit K.M., V.K., E.L., Sh.B., V.D., E.N. dhe B.K.

Hetimet vazhdojnë për identifikimin e të tjerëve të dyshuar për veprime të dhunshme kundër punonjësve të policisë dhe godinës së komisariatit. Materialet i janë referuar Prokurorisë së Tiranës. Akuzat përfshijnë “Shkatërrimi i pronës”, “Goditja për shkak të detyrës”, “Kundërshtimi i punonjësit të Policisë”, “Prishja e rendit dhe qetësisë publike” dhe vepra të tjera penale të lidhura me tubimin.