Cazorla i dha fund një karriere dydekadëshe, duke përfshirë suksese të mëdha si dy Kampionate Evropiane me Spanjën. Ai filloi karrierën e tij në akademinë e Villarrealit, ndërsa më vonë luajti për Recreativon dhe Malagan. Statusin legjendar e arriti pas transferimit te Arsenali në vitin 2012.
Me “Topçinjtë” fitoi dy Kupa FA, në vitet 2014 dhe 2015. Pas gjashtë sezoneve te Arsenali, Cazorla u rikthye te Villarreali, më pas kaloi te Al Sadd në Katar dhe së fundmi u rikthye te Real Oviedo në vitin 2023. Ai ndihmoi Oviedon të siguronte ngjitjen në La Liga në vitin 2025.
Klubi i Real Oviedos theksoi kontributin e tij, duke përmendur se Cazorla u rikthye për pagën minimale të lejuar në ligë dhe ia dha klubit të gjitha të drejtat për të përdorur imazhin dhe emrin e tij. Cazorla fitoi Kampionatin Evropian me Spanjën në vitet 2008 dhe 2012.