Esmir Milaviq, redaktor i politikës së jashtme, vlerëson se samiti mbahet në një kohë me konflikte të mëdha globale, përfshirë luftën në Ukrainë dhe krizën në Lindjen e Mesme. Kjo situatë e ndërlikuar globale dhe zhvillimet brenda NATO-s i japin samitit një rëndësi të veçantë.
Presidenti i Shteteve të Bashkuara, Donald Trump, pritet të ketë një rol të rëndësishëm, jo vetëm për shkak të pozicionit të tij, por edhe për raportet e ndërlikuara me disa liderë të NATO-s. Këto raporte mund të ndikojnë në ecurinë e takimit.
Turqia, si vend nikoqir, gjithashtu luan një rol kyç, pasi Ankaraja synon të ketë një rol më të madh gjeopolitik.
Lidhur me Ballkanin, Milaviq beson se rajoni nuk do të jetë pjesë e agjendës zyrtare. As vendet jashtë NATO-s, si Kosova, Bosnja dhe Hercegovina, dhe Serbia, nuk pritet të jenë temë qendrore. Megjithatë, ai nuk përjashton mundësinë që Ballkani të përmendet në diskutime, veçanërisht për shkak të pranisë së KFOR-it në Kosovë dhe reduktimit të numrit të trupave. Reduktimi i trupave vjen pas vlerësimit se situata në Kosovë është përmirësuar.
Për Bosnjën dhe Hercegovinën, nuk ka pasur zhvillime konkrete të fundit që do ta vendosnin atë në agjendën kryesore të NATO-s. Milaviq thekson se Ballkani aktualisht nuk konsiderohet çështje me rëndësi të parë, por mbetet nën vëzhgim dhe mund të rikthehet në agjendën e Aleancës në të ardhmen.