Samiti i ardhshëm i NATO-s do të zhvillohet në Tiranë. Kryeministri Edi Rama konfirmoi këtë lajm përmes një videoje të publikuar nga Turqia, ku ai ndodhet me delegacionin shqiptar në samitin aktual të NATO-s.
Rama deklaroi se Shqipëria do të jetë mikpritëse e takimit të liderëve të Aleancës. Ai theksoi se "samiti i ardhshëm do të jetë në Tiranë".
Njoftimi për zhvillimin e samitit të radhës në Shqipëri u bë më herët nga Sekretari i Përgjithshëm i NATO-s, Mark Rutte. Kryeministri Rama vetëm konfirmoi deklaratën e Sekretarit të Përgjithshëm.
Samiti i sivjetshëm i NATO-s po mbahet në Ankara të Turqisë. Në këtë samit marrin pjesë liderët dhe delegacionet e vendeve anëtare. Temat kryesore të diskutimeve përfshijnë forcimin e mbrojtjes kolektive, investimet në kapacitetet mbrojtëse, mbështetjen për Ukrainën dhe sfidat aktuale të sigurisë.