Balogun u përjashtua në ndeshjen ndaj Bosnjës dhe Hercegovinës pas një ndërhyrjeje të vlerësuar me karton të kuq direkt pas rishikimit me VAR. Sipas rregullave të zakonshme, një karton i kuq direkt sjell pezullimin automatik për ndeshjen pasardhëse.
Megjithatë, FIFA aktivizoi Nenin 27 të Kodit të saj Disiplinor, duke pezulluar dënimin me kusht për një vit. Kjo do të thotë se Balogun do të jetë i disponueshëm për ndeshjen e 1/8 së finales së Kupës së Botës kundër Belgjikës, ndërsa pezullimi aktivizohet vetëm në rast të një shkeljeje të ngjashme brenda kësaj periudhe.
Garcia e quajti vendimin “një precedent të rrezikshëm” dhe shprehu ironi në konferencën për shtyp. Ai theksoi se reagimi i tij nuk mbron vetëm interesat e Belgjikës, por “integritetin dhe etikën e futbollit”.
Federata Belge e Futbollit gjithashtu reagoi me habi. Ajo iu referua Nenit 66.4 të Kodit Disiplinor, i cili specifikon pezullimin automatik pas një kartoni të kuq direkt. Garcia e konsideroi këtë vendim si të paprecedentë në historinë e Kampionatit Botëror.
Belgjika po shqyrton opsionet ligjore për të mbrojtur parimet e lojës së drejtë.