Rita Ora u pa në ishullin grek, duke shijuar një mbrëmje me miq. Ajo u largua nga hoteli luksoz Eden Roc, e shoqëruar nga miku i saj, Vas J Morgan. Këngëtarja kishte veshur bikini me print leopardi, pantallona të shkurtra sportive dhe taka të larta.
Pushimet vijnë pas performancës së saj në Festivalin Isle of Wight. Ora ka deklaruar se këtë vit e ka shfrytëzuar për zhvillimin e projekteve të reja. Ajo ka theksuar se muzika e re do të publikohet së shpejti dhe se ka xhiruar dy filma në Australi, duke qenë larg Mbretërisë së Bashkuar për një kohë.
Këngëtarja foli edhe për një bashkëpunim të mundshëm me bashkëshortin e saj, regjisorin Taika Waititi. Ora shprehu dëshirën për të luajtur në një prej filmave të tij, nëse projekti dhe skenari do të ishin të përshtatshëm. Çifti do të festojë katërvjetorin e martesës në gusht.