Kryeministri Edi Rama publikoi në rrjetet sociale pamje nga stadiumi ku do të mbahet koncerti i këngëtarit Kanye West. Ai deklaroi se stadiumi është gati për ngjarjen e kësaj të shtune, e cila do ta vendosë Shqipërinë në hartën globale të adhuruesve të muzikës.
Rama iu përgjigj sërish kritikave lidhur me fondin prej 4 milionë eurosh të akorduar për organizimin e koncertit. Ai theksoi se kjo shumë nuk duhet parë si shpenzim, por si një investim. Sipas tij, ky investim do të kthehet përmes rritjes së numrit të turistëve, konsumit dhe të ardhurave për ekonominë.
Kryeministri argumentoi se një koncert i kësaj madhësie është një formë marketingu ndërkombëtar për Shqipërinë. Ai shtoi se ngjarjet kulturore dhe sportive sjellin zhvillim ekonomik dhe kontribuojnë në promovimin e vendit si destinacion turistik. Rama përfundoi duke theksuar se Shqipëria fiton duke e sjellë botën në shtëpinë e saj.