Kryeministri Edi Rama ka pohuar se profilet false qëndrojnë pas kritikave ndaj tij. Kjo deklaratë vjen pas më shumë se 30 ditësh protesta masive kundër qeverisë. Gjatë kësaj periudhe, profile të rreme janë shfrytëzuar për të kundërshtuar revoltën qytetare dhe për të mbrojtur qeverisjen aktuale.
Qytetarët shqiptarë kanë shprehur hapur pakënaqësitë e tyre, jo vetëm fizikisht në sheshe, por edhe në rrjetet sociale. Shumë prej tyre kanë komentuar me profile reale, duke shfaqur qëndrime kundër aferave qeveritare dhe korrupsionit. Kjo tregon se frika ka filluar të bjerë, pasi njerëzit flasin lirshëm me identitetin e tyre.
Qeveria ka kërkuar të krijojë armiq të rinj, duke akuzuar agjentura të huaja, si serbe, greke, iraniane apo ruse, si faktorë pas protestës. Megjithatë, qytetarë të shumtë kanë dalë në shesh për të shprehur pakënaqësinë e tyre me qeverisjen 13-vjeçare të Edi Ramës dhe me të gjithë kastën e vjetër politike.