Drejtori i QMK-së, Muhamet Ali, njoftoi se qytetarët së shpejti do të përdorin këtë aplikacion. Ai do të ofrojë dërgimin e saktë të vendndodhjes, fotografive dhe videove nga vendi i ngjarjes. Përdoruesit do të kenë edhe mundësinë e komunikimit direkt me video me Qendrën Operacionale.
Një funksion tjetër i ri është "Silent Call" ("Thirrje e Heshtur"). Ky funksion u lejon viktimave të dhunës në familje dhe personave në rrezik të kërkojnë ndihmë në heshtje. Ata mund ta bëjnë këtë pa nevojën për të folur.
QMK thekson se këto funksionalitete të reja modernizojnë sistemin 112. Qëllimi është rritja e sigurisë së qytetarëve, transmetimi më i saktë i informacionit dhe reagimi më efikas i shërbimeve kompetente gjatë emergjencave.