Gjatë një proteste të zhvilluar në Tiranë, një prej pjesëmarrësve deklaroi se djali i tij ishte rrëmbyer pa të drejtë. Ai pretendoi se një “bandë”, e drejtuar nga Ulsi Manja dhe e nxitur nga Taulant Balla e Edi Rama, ishte përgjegjëse për rrëmbimin e djalit, i cili po pinte kafe në një lokal. Për këtë arsye, ai tha se ishte vonuar për t’iu bashkuar tubimit.
Protestuesi pohoi se gjatë ngjarjeve të së enjtes, procedurat ligjore ishin shkelur dhe policia nuk kishte ndërhyrë. Ai kërkoi arrestimin e Saimir Kokës, truprojës së ministrit të Drejtësisë, Ulsi Manja, pasi e konsideron të përfshirë në incident.