Prej 44 ditësh rresht, qytetarë të shumtë janë mbledhur çdo mbrëmje para ndërtesës së Kryeministrisë në Tiranë. Kjo lëvizje qytetare shënon një nga protestat më të gjata që ka përjetuar Shqipëria në vitet e fundit.
Thirrjet kryesore të protestuesve përfshijnë kërkesën “Rama jep dorëheqjen” dhe slogane si “Rama në burg, Berisha në burg” e “Shqipëri e Re”.
Pas tubimit para Kryeministrisë, protestuesit marshojnë nëpër rrugët e Tiranës. Ata ndalojnë para Kuvendit dhe më pas përpara selisë së Partisë Demokratike. Gjatë ndalesës para selisë së PD-së, brohoritet shpesh slogani “Opozitë e shitur”, duke theksuar pakënaqësinë ndaj opozitës aktuale.