Plagosje në Tiranë: 3 të arrestuar, 1 në kërkim, 1 i

Një 33-vjeçar u plagos mbrëmjen e së hënës në rrugën “Frosina Plaku” në Tiranë, pas një konflikti me sende të forta dhe mjete prerëse.

Policia ka arrestuar tre persona, L. N. 46 vjeç, A. L. 44 vjeç dhe E. K. 23 vjeç, si autorë të dyshuar të ngjarjes. Ata akuzohen për veprën penale “Plagosja e rëndë me dashje”.

Viktima, shtetasi A. I. 33 vjeç, ndodhet në spital, nën kujdesin e mjekëve. Ai gjithashtu është proceduar penalisht në gjendje të lirë.

Një i mitur, E. L. 17 vjeç, është shpallur në kërkim. Ai dyshohet për “Plagosje të rëndë me dashje” në bashkëpunim dhe “Prodhimi, mbajtja, blerja apo shitja pa leje e armëve të ftohta”. Seksioni për Hetimin e Krimeve të Rënda, në bashkëpunim me Komisariatin e Policisë Nr. 2, po punojnë për kapjen e tij. Materialet i janë referuar Prokurorisë për veprime të mëtejshme.