Zbulimi tronditës u bë të martën pas një hetimi, detajet e të cilit nuk janë bërë publike. Disa prej fëmijëve nuk ishin në gjendje të flisnin, dhe shtatë prej tyre u dërguan në spital, njëri në gjendje kritike.
Prindërit Gary Siders Jr. (36) dhe Elizabeth Siders (33), si dhe gjyshërit Gary Siders (73) dhe Christina Siders (67), u deklaruan të pafajshëm për akuzat. Sipas avokatit të Elizabeth Siders, Thomas Stolly, ajo u martua në moshën 15-vjeçare me Gary Siders Jr. dhe të gjithë fëmijët janë të tyre. Stolly theksoi se fëmijët kishin lindur në spitale dhe e përshkroi rastin si më tepër një izolim sesa një akt keqdashës.
Fëmijët ishin mbajtur kryesisht në një dhomë rreth 3.5 metra me 3.5 metra, ku hetuesit gjetën jashtëqitje. Ata nuk ishin të regjistruar në shkollë dhe fqinjët deklaruan se nuk i kishin parë kurrë. Prokurori i përgjithshëm i shtetit, Wilson, theksoi aftësinë e familjes për të fshehur fëmijët. Mungesa e regjistrimit në shkollë dhe e vizitave mjekësore besohet se kontribuan në mbajtjen e fshehur të situatës.