Ylli brazilian i futbollit, Neymar Jr., 34 vjeç, ka vendosur të ndërpresë karrierën e tij me kombëtaren e Brazilit. Ky vendim vjen pas humbjes 1-2 të Brazilit ndaj Norvegjisë, çka solli eliminimin e tyre nga Kupa e Botës.
Pas njoftimit të tërheqjes së djalit të tij nga skena ndërkombëtare, Neymar Sr., babai i lojtarit, reagoi publikisht me një mesazh emocional në rrjetet sociale. Ai e inkurajoi Neymar Jr. të mos heqë dorë nga futbolli.
Në mesazhin e tij, Neymar Sr. shkroi: “Oh, bir… Çfarë udhëtimi. Një ëndërr që nuk është bërë realitet ende nuk do të thotë se ka vdekur.” Ai shtoi: “Bir, vazhdo të luash futboll. Rizbulo gëzimin e të pasurit topin në këmbët e tua. Zoti të ka dhënë një shans tjetër për të bërë atë që gjithmonë ke dashur. Shijo futbollin.”
Babai i Neymarit e këshilloi djalin e tij: “Mos ki frikë nga e nesërmja. Jeto për të sotmen. Stërvitu. Buzëqesh. Luaj futboll. Kënaq njerëzit edhe një herë.” Ky ishte një thirrje e hapur për djalin e tij që të mos e lërë pasionin për lojën.