Netanyahu, në një intervistë për Fox News, theksoi se nuk beson në ndonjë përçarje midis tyre. Ai u shpreh se, ndonëse mund të ketë dallime mendimesh si në çdo marrëdhënie të ngushtë, ata i diskutojnë hapur dhe i zgjidhin ato.
Kryeministri izraelit theksoi se 99% të kohës ata bien dakord. “Ai bën atë që është e mirë për Amerikën. Unë jam udhëheqësi i Izraelit… Unë bëj atë që është e mirë për Izraelin,” tha Netanyahu.
Ndërkohë që Trump ka ndjekur diplomacinë me Iranin, Netanyahu është gati të rifillojë sulmet. I pyetur për memorandumin 60-ditor dhe lëshimet ndaj Iranit, ai u shpreh se ishte ende herët për të gjykuar rezultatin përfundimtar. “Gjëja më e rëndësishme është që kemi një qëllim të përbashkët. Irani nuk mund të ketë armë bërthamore ose kapacitet për të prodhuar armë bërthamore,” shtoi Netanyahu.
Në lidhje me funeralin e udhëheqësit suprem të Iranit, Ali Khamenei, Netanyahu komentoi brohoritjet “vdekje Amerikës” dhe “vrit Trumpin”. Ai theksoi se Izraeli është aleati më i mirë i Shteteve të Bashkuara. Netanyahu iu përgjigj edhe komenteve të zëvendëspresidentit JD Vance, duke ritheksuar se Donald Trump është “miku më i mirë që kemi pasur ndonjëherë në Shtëpinë e Bardhë”, pavarësisht mospajtimeve me deklaratat e Vance.