Raketa e re synon të godasë objektiva ushtarake me precizion të lartë në distanca deri në 2 mijë kilometra. Megjithatë, sistemi nuk pritet të jetë plotësisht operacional para viteve 2030.
Kryeministri britanik Keir Starmer deklaroi se kjo iniciativë do të forcojë bashkëpunimin ndërmjet aleatëve evropianë dhe do të rrisë aftësinë e NATO-s për t'u përballur me kërcënimet e ardhshme. Qeveria britanike theksoi se kërcënimi nga Rusia mbetet i lartë, duke përmendur mbi 700 ngritje të avionëve të NATO-s për të interceptuar avionë rusë dhe rritjen me 30% të aktivitetit ushtarak rus pranë ujërave britanike.
Presidenti amerikan Donald Trump vazhdon të kërkojë nga vendet anëtare që të përmbushin objektivin e NATO-s për të investuar 5% të PBB-së në mbrojtje dhe siguri deri në vitin 2035. Ndërkohë, presidenti ukrainas Volodymyr Zelensky u bëri thirrje aleatëve të përshpejtojnë furnizimin me sisteme të mbrojtjes ajrore.