Lutjet mortore për Ali Khamenein, i vrarë gjatë sulmeve amerikano-izraelite në fillim të luftës në Lindjen e Mesme, u mbajtën më 5 korrik. Ajatollahu i Madh Ja’far Sobhani, një nga klerikët më të lartë shiitë, drejtoi ceremoninë.
Mojtaba Khamenei, i cili mori drejtimin e vendit pas vdekjes së të atit, nuk mori pjesë në këtë ceremoni. Tradita dikton që pasardhësi të udhëheqë lutjet mortore për paraardhësin, element i rëndësishëm për legjitimitetin e transferimit të pushtetit.
Ai nuk është shfaqur publikisht që nga 28 shkurti, kur sipas raportimeve u plagos në të njëjtin sulm që i mori jetën Ali Khameneit. Mungesa e deklaratave apo regjistrimeve audio/video ka rritur dyshimet për gjendjen e tij shëndetësore.