Kryeministri Mickoski deklaroi se në disa markete është vërejtur një rritje e marzhit bruto nga 2 në 5 për qind krahasuar me vitin e kaluar. Kjo rritje vjen në kohën kur inflacioni mbetet shqetësues, dhe nëse marzhet do të ishin ulur, vendi do të kishte inflacionin më të ulët në Evropë. Kryeministri pret që inflacioni të stabilizohet në qershor, me vlera më të ulëta se në maj dhe prill.
Mickoski theksoi se parametrat e rritjes së marzhit do të bëhen publikë brenda një jave, bazuar në të dhënat nga Inspektorati Shtetëror i Tregut. Paralelisht, qeveria po analizon rreth 600-700 produkte, duke përfshirë marzhet e shpërndarësve, prodhuesve dhe rrjeteve të supermarketeve. Kjo analizë konsiderohet komplekse dhe mund të kërkojë kohë shtesë.
Sipas të dhënave të fundit statistikore, një familje me katër anëtarë në qershor kishte nevojë për mbi 68.600 denarë për të mbuluar shpenzimet themelore. Më shumë se një e treta e këtij buxheti shpenzohet për ushqim dhe pije.