OBRM-PDUKM njoftoi sot se 31.7 milionë euro janë alokuar nga Plani i Rritjes, me fokus në fushën e transformimit digjital. Këto mjete financiare vijnë si rezultat i zbatimit të reformave dhe ligjeve të miratuara, si pjesë e Agjendës së Reformave, sipas deputetes Dragana Bojkovska.
Bojkovska theksoi rëndësinë e transformimit digjital për qytetarët, duke përmendur shërbime më të shpejta, ulje të burokracisë dhe thjeshtimin e procedurave institucionale. Ajo shtoi se në vitin 2025 u miratua një paketë e gjerë ligjore për digjitalizimin, e cila synon të harmonizojë shtetin me standardet evropiane dhe të përmbushë nevojat e qytetarëve e bizneseve.
Sipas OBRM-PDUKM, kjo dinamikë reformash do të vazhdojë, duke përfshirë miratimin e zgjidhjeve të mbetura ligjore të Agjendës së Reformave. Partia synon që Maqedonia e Veriut të mbetet ndër shtetet lidere në rajon për zbatimin e reformave dhe digjitalizimin në të gjitha fushat e shoqërisë.