Ministri i Punëve të Jashtme, Timço Mucunski, zhvilloi një vizitë dyditore në Katar, ku u takua me zyrtarë të lartë shtetërorë. Gjatë kësaj vizite, u konfirmua gatishmëria për thellimin e bashkëpunimit politik dhe ekonomik mes dy vendeve.
Palët nënshkruan tri dokumente kyçe. Njëra marrëveshje synon heqjen e vizave për poseduesit e pasaportave diplomatike, zyrtare dhe speciale. Gjithashtu, u nënshkrua një memorandum për vendosjen e konsultimeve politike. Dokumenti i tretë ishte një memorandum bashkëpunimi në fushën e edukimit diplomatik.
Këto marrëveshje krijojnë një bazë institucionale për avancimin e marrëdhënieve politike dhe forcimin e bashkëpunimit në fusha me interes të përbashkët, sipas Ministrisë së Punëve të Jashtme dhe Tregtisë.