Larja joadekuate mund të shkaktojë tkurrje, deformim, ose dëmtim të përhershëm të pëlhurave. Larja e gabuar ndikon tek forma dhe struktura e veshjeve.
Kashmiri dhe leshi tkurren ose deformohen në lavatriçe. Këto materiale duhet të lahen me dorë, në ujë të vakët dhe me detergjent të butë. Pas larjes, ato shpëlahen butësisht dhe thahen natyrshëm në një sipërfaqe të sheshtë.
Mëndafshi kërkon kujdes të veçantë. Edhe pse rekomandohet pastrimi kimik, mëndafshi mund të lahet me dorë në ujë të ftohtë me detergjent të butë. Tharrja duhet të bëhet në hije, pasi ekspozimi në diell dëmton materialin dhe ndryshon ngjyrën.
Veshjet e strukturuara, si xhaketat, kostumet dhe fundet me palosje, nuk janë të përshtatshme për lavatriçe. Këto veshje mund të humbasin formën për shkak të ndërtimit të tyre. Për to rekomandohet pastrimi profesional kimik, për të ruajtur formën dhe jetëgjatësinë.