Besjana Kuçana, anëtare e Partisë Demokratike, vuri në dukje se procedura e zgjedhjes së kryesisë së partisë kishte parregullsi që në fillim. Këto shqetësime, sipas saj, janë adresuar zyrtarisht dhe po analizohen brenda forumeve të PD-së.
Kuçana theksoi se nuk është e zhgënjyer nga rezultati dhe se politika për të është një maratonë. Ajo shtoi se problemet kanë lidhje me Këshillin Kombëtar dhe i janë komunikuar kryetarit të partisë. Një grup anëtarësh, të cilët dëshirojnë një PD fituese dhe jo pozicione, do t'i adresojnë këto çështje në ditët në vijim.
Ajo e përshkroi veten si një politikane terreni, e angazhuar me qytetarët, në vend që të shpenzojë kohën për të siguruar një post brenda partisë. Kuçana u shpreh se e kishte marrë vesh për kandidaturën e saj për kryesi në sallë dhe falënderoi kryetarin e PD-së për vlerësimin, por theksoi se nuk është pjesë e konjukturave politike.