Certifikimi u bë në mbledhjen e 73-të të KQZ-së, drejtuar nga kryesuesi Kreshnik Radoniçi, 31 ditë pas ditës së votimit. Ky veprim erdhi pasi Paneli Zgjedhor për Ankesa dhe Parashtresa (PZAP) dhe Gjykata Supreme trajtuan ankesat.
Kryesuesi Radoniçi njoftoi se pesë ankesat e parashtruara kundër rezultateve paraprake, të shpallura më 27 qershor 2026, janë refuzuar. Vendimet e këtyre institucioneve nuk përmbajnë asnjë detyrim për KQZ-në.
Gjithashtu, Radoniçi bëri të ditur se Ardian Gjini dhe Daut Haradinaj, dy kandidatë të zgjedhur nga Aleanca për Ardhmërinë e Kosovës (AAK), janë tërhequr nga pranimi i mandatit të deputetit. Ata u zëvendësuan me kandidatët e radhës nga i njëjti subjekt politik, Bekë Berisha dhe Burim Ramadani.
Në zgjedhjet e parakohshme për Kuvendin e Kosovës morën pjesë 21 subjekte politike, përfshirë 17 parti politike, 3 koalicione dhe 1 kandidat i pavarur. Numri total i kandidatëve të certifikuar për deputetë ishte 902.