Komuna e Strugës ka shitur automjetin zyrtar Audi A6, i njohur si “Audi i Merkos”, përmes një ankandi publik. Çmimi përfundimtar i shitjes ishte 22 mijë euro, ofertuar nga një kompani nga Manastiri. Paratë e siguruara do të shërbejnë për të ulur borxhin e komunës.
Nëntë palë të interesuara nga Struga, Ohri, Manastiri dhe Shkupi morën pjesë në ankand. Fillimisht, shitja ishte planifikuar të përdorej për blerjen e një furgoni për klubet sportive dhe qendrën për fëmijë me nevoja të veçanta. Procedura e ankandit u ndërpre më herët për shkak të një borxhi të vjetër komunal, por më pas u realizua me sukses.
Automjeti Audi A6 u ble nga Komuna e Strugës për 67.000 euro gjatë kohës që Ramiz Merko ishte kryetar. Ky blerje shkaktoi debat publik, veçanërisht pasi llogaria e bashkisë ishte e bllokuar në atë periudhë. Ndaj Merkos u ngrit një padi, por Gjykata e Strugës e shpalli të pafajshëm lidhur me blerjen e automjetit.