Kryetari i Kuvendit, Afrim Gashi, theksoi rëndësinë e zbatimit të Kodit në praktikën parlamentare. Ai shtoi se Kodi duhet të shërbejë për një debat politik të bazuar në argumente, duke shmangur gjuhën fyese dhe përplasjet personale. Synohet forcimi i përgjegjësisë së deputetëve ndaj qytetarëve.
Dokumenti u hartua me konsensus, përmes konsultimeve me të gjitha grupet parlamentare dhe partitë politike. Gashi u bëri thirrje deputetëve ta shohin zbatimin e Kodit si përgjegjësi institucionale dhe morale. Ky hap synon përmirësimin e kulturës politike dhe rikthimin e besimit të qytetarëve te institucionet.
Në procesin e hartimit kontribuan edhe partnerë ndërkombëtarë, si Programi Zviceran për Mbështetje Parlamentare, Ambasada Zvicerane, Instituti Kombëtar Demokratik (NDI) dhe OSBE-ja.