Sipas Këlliçit, turpërimi më i madh për vendin është vendimi i kryeministrit për të shpenzuar taksat e shqiptarëve për një koncert privat. Ai vlerëson se ky veprim u bë pasi kryeministri e kishte prezantuar koncertin si sukses personal, dhe anulimi do të konsiderohej dështim i tij.
Deputeti argumentoi se Shqipëria nuk e ka ruajtur nderin me pranimin e koncertit. Ai përmendi se vende si Franca, Anglia dhe Gjermania e kanë refuzuar më parë Kanye West.
Këlliçi theksoi se kryeministri e turpëron vendin përditë me skandalet e tij dhe të qeverisë. Ai përmendi lidhjet e supozuara me gjyqe ndërkombëtare për krime të rënda dhe banda droge, pritjen e personave të kartelit Sinaloa, përdorimin e avionit privat dhe shpenzimet luksoze, si dhe moslejimin e zgjedhjeve të lira dhe të ndershme.