Zëdhënësi i Ministrisë së Jashtme të Katarit, Majed al-Ansari, deklaroi se shënjestrimi i anijes në pronësi të Katarit është një sulm i papranueshëm ndaj sigurisë së lundrimit detar ndërkombëtar. Ai shtoi se incidenti shkel të drejtën ndërkombëtare, duke cenuar lirinë e lundrimit dhe kalimin e sigurt në ujërat ndërkombëtare.
Al-Ansari kërkoi nga Irani të ndërpresë menjëherë praktikat që dëmtojnë sigurinë rajonale dhe kërcënojnë sigurinë e lundrimit detar ndërkombëtar. Katari theksoi se e mban Iranin plotësisht përgjegjës ligjërisht për këtë sulm dhe çdo pasojë apo dëm të shkaktuar.