Kardiologët në Shqipëri rekomandojnë fuqishëm që çdo individ të kryejë një konsultë mjekësore të zemrës përpara se të nisë një program ushtrimesh fizike, veçanërisht frekuentimin e palestrave. Kjo këshillë vjen në një kohë kur mungesa e aktivitetit fizik dhe jetesa sedentare konsiderohen shkaktarë kryesorë të rritjes së sëmundjeve.
Sipas raportit të fundit të INSTAT, problemet kardiake renditen si shkaku kryesor i sëmundshmërisë dhe vdekjeve në popullatën shqiptare. Mjekët e theksojnë aktivitetin fizik si një mjet mbrojtës për zemrën, por paralajmërojnë për kujdesin e nevojshëm para fillimit të tij.
Krahas aktivitetit fizik, kardiologët sugjerojnë kontrolle periodike të zemrës për të gjithë personat mbi 35 vjeç. Kjo ndihmon në parandalimin e ngjarjeve të papritura dhe fatale, veçanërisht tek moshat e reja, duke promovuar një stil jetese të shëndetshëm.