Tetë ish-zyrtarë të Inspektoratit Shtetëror të Punës përballen me kallëzim penal për shkak të moskryerjes së detyrës zyrtare. Akuza rëndon mbi shtetasit S.Sh.S. (53) nga Makedonski Brod, S.G. (59) nga Shkupi, si dhe Z.M. (64), S.Z. (61), T.K. (42), N.D. (43), G.P. (41) dhe M.Z.S. (44), të gjithë nga Koçani.
Sipas kallëzimit, në periudhën 2012-2025, inspektorët nuk kanë respektuar detyrimet ligjore për mbikëqyrje. Ata nuk kanë nisur apo zhvilluar asnjë procedurë inspektimi për të verifikuar gjendjen faktike në një objekt hotelier në Koçan. Ky objekt funksionoi pa kontrolle për 13 vite, pavarësisht se ishte i vetmi i këtij lloji në komunën e Koçanit.
Mosveprimi i tyre ka lejuar vazhdimin e funksionimit të paligjshëm të biznesit, duke ekspozuar punonjësit ndaj rreziqeve. Objekti nuk u inspektua lidhur me të drejtat e punëtorëve, si dhe masat e sigurisë e shëndetit në punë. Kjo situatë i ka mundësuar objektit të gjenerojë përfitim të paligjshëm pasuror prej 1.255.977 denarësh.