Andres Iniesta, ish-mesfushori i Spanjës dhe Barcelonës, ka theksuar rëndësinë e Lamine Yamal për fatin e kombëtares në Kupën e Botës 2026. Sipas Iniestës, shanset e Spanjës për të fituar Botërorin lidhen ngushtë me paraqitjet e Yamal në fazën eliminatore të turneut.
Iniesta vlerësoi ndikimin e 18-vjeçarit te "La Roja". Ai e cilësoi Yamal si një nga lojtarët më vendimtarë në skuadrën e Luis de la Fuentes. "Lamine Yamal është një lojtar shumë i rëndësishëm për kombëtaren dhe e ardhmja e saj padyshim lidhet me sa vendimtar mund të jetë ai në ndeshje," deklaroi Iniesta.
Ish-mesfushori shtoi se turnetë e tillë janë të vështirë dhe çdo detaj mund të ketë pasoja. Ai shprehu optimizëm, duke e konsideruar Spanjën si një ndër favoritët për shkak të cilësisë së lojtarëve dhe bashkëpunimit si ekip. Iniesta shpreson që Spanja të arrijë të fitojë titullin e dytë botëror.
Spanja do të përballet me Austrinë në fazën e 1/16 së finales. Mbetet të shihet nëse Yamal do të jetë në gjendje të luajë plotësisht, pas problemeve fizike të fundit.