Ministri i Mbrojtjes, Ermal Nufi, njoftoi të premten hapjen e Shkollës Kombëtare të Fluturimit. Nufi e vlerësoi krijimin e kësaj shkolle si një hap strategjik për avancimin e mbrojtjes dhe sigurisë kombëtare.
Ministri theksoi se institucioni përfaqëson një investim afatgjatë në formimin e personelit ushtarak dhe modernizimin e kapaciteteve të aviacionit ushtarak. Ai shprehu se kjo shkollë hedh një themel të ri në fuqizimin e Forcave të Armatosura.
Nufi u shpreh se shkolla do të shërbejë si qendër për përgatitjen e kuadrove të specializuara. Ajo do të promovojë dijen, disiplinën dhe profesionalizmin, elementë thelbësorë për rritjen e aftësive operacionale të Forcave të Armatosura.