Hapet Shkolla e Forcave Speciale, stërvitje nga Izraeli

Shqipëria do të hapë shkollën kombëtare të Forcave Speciale, e cila do të trajnohet nga instruktorë izraelitë. Këtë e bëri të ditur Kryeministri Edi Rama gjatë ceremonisë së hapjes së Shkollës Kombëtare të Fluturimit.

Kryeministri Edi Rama njoftoi hapjen e Shkollës Kombëtare të Forcave Speciale. Sipas Ramës, kjo shkollë do të bashkëpunojë me ekspertë izraelitë për trajnimin, edukimin dhe certifikimin e forcave. Diskutimet me partnerët janë në vazhdim për të sjellë ekselencën botërore në këtë fushë.

Shkolla e re do të jetë e hapur edhe për vende të tjera. Ajo do të mirëpresë kadetë nga shtetet aleate të rajonit, duke filluar nga Kosova. Ambicia është që kjo shkollë, bashkë me Shkollën Kombëtare të Fluturimit, të shndërrohen në qendra ekselence përtej kufijve të Shqipërisë. Forcat e sigurisë dhe Forcat Ajrore Izraelite do të jenë garantuesit kryesorë të këtij procesi. Shkolla do të bashkëpunojë edhe me partnerë të tjerë në të ardhmen.