Hajdutët u futën në muze rreth orës 05:30 dhe u drejtuan menjëherë te salla ku ruheshin bizhuteritë. Alarmi i sigurisë u aktivizua, por një punonjës pastrimi mbërriti i pari në vendngjarje dhe njoftoi policinë.
Autoritetet franceze po shqyrtojnë pamjet e kamerave të sigurisë për të identifikuar autorët e grabitjes. Muzeu njoftoi mbylljen për disa ditë pas ngjarjes. Dëmi fillestar vlerësohet të jetë rreth 4 milionë euro.
Muzeu Lalique, i hapur në vitin 2011, i është dedikuar mjeshtrit René Lalique dhe stilit Art Nouveau e Art Deco. Kjo grabitje vjen pas një ngjarjeje të ngjashme në Muzeun e Luvrit në Paris, duke ngritur shqetësime për sigurinë e muzeve në Francë.