Gjyqtari 44-vjeçar Tello do të asistohet nga bashkatdhetarët e tij, Juan Pablo Belatti dhe Gabriel Chade. Roli i gjyqtarit të katërt i është besuar Dario Herrerës, gjithashtu nga Argjentina. Ky është rasti i parë në Kupën e Botës 2026 që e gjithë skuadra e arbitrimit vjen nga i njëjti shtet.
Vendimi i FIFA-s ka ngjallur debate në komunitetin e futbollit, duke marrë parasysh rivalitetin e shprehur mes Francës dhe Argjentinës. Këto dy skuadra u përballën në finalen e Kupës së Botës Katari 2022, ku Argjentina fitoi pas gjuajtjeve të penalltive. Megjithëse tifozët dhe ekspertët kanë shprehur shqetësime në rrjetet sociale, lojtarët francezë janë shprehur të qetë.
Mbrojtësi francez, Dayot Upamecano, deklaroi se skuadra do të përqendrohet te ndeshja me Marokun dhe jo te identiteti i gjyqtarit. Facundo Tello ka arbitruar më parë fitoren e Marokut kundër Portugalisë në çerekfinalen e Kupës së Botës 2022.