FFF dënoi ashpër deklaratat e Amarillës, duke i cilësuar ato si të papranueshme dhe kriminale. Në një deklaratë zyrtare, FFF theksoi se komente të tilla janë të neveritshme dhe duhet të ndiqen penalisht.
Senatorja Amarilla publikoi deklarata fyese dhe raciste kundër sulmuesit francez. Ajo shprehu se Mbappe "nuk mësoi kurrë as të shkruajë" dhe ishte ushqyer "me kokos dhe qeniet më të arsimuara që ka dëgjuar kanë qenë shimpanzetë".
Amarilla gjithashtu sugjeroi që lojtarët e Paraguait duhej ta kishin sulmuar Mbappen pas përfundimit të ndeshjes. Ajo shprehu keqardhje që ekipi i saj nuk i dha atij "një shuplakë të fortë në fytyrë".
Edhe vetë Kylian Mbappe reagoi ndaj këtyre deklaratave. Ai dënoi gjuhën e përdorur, duke e konsideruar të papranueshme sjelljen e një zyrtareje publike.