Ish-presidenti amerikan Barack Obama dhe bashkëshortja Michelle Obama përkujtuan ditëlindjen e vajzës së tyre Malia. Barack Obama publikoi dy fotografi, njëra ku Malia shfaqet foshnjë dhe ai i lexon një libër, si dhe një tjetër më të fundit ku ajo përqafon të atin. Ai theksoi se gëzimi për të pasur Malian vajzë nuk zbehet kurrë.
Michelle Obama postoi në Instagram një video me Malian dhe motrën Sasha, shoqëruar me këngën “Happy Birthday” të Stevie Wonder. Ajo shprehu krenarinë për gruan që Malia është bërë, duke shtuar se ajo sjell dritë dhe energji në botë.
Malia Ann, e cila diplomoi në Universitetin e Harvardit në vitin 2021, punon në Los Anxhelos si skenariste, regjisore dhe krijuese filmash. Ajo ishte pjesë e ekipit të skenaristëve për serialin “Swarm” të Amazon Prime Video në vitin 2023. Këtë vit, Malia prezantoi filmin e saj të shkurtër “The Heart” në Festivalin e Filmit Sundance. Më 18 qershor, ajo mori pjesë me prindërit dhe motrën Sasha në inaugurimin e Obama Presidential Center në Çikago.