Reperi Don Xhoni sqaroi publikisht arsyen e zgjedhjes së Adelina Ismaili-t për promovimin e albumit të tij “100%”. Ai theksoi se vendimi nuk lidhet me preferenca personale, por me konceptin artistik të projektit.
Para lançimit të albumit, një video e Don Xhonit me Adelina Ismaili-n në makinë pati qarkulluar gjerësisht. Kjo video ngjalli debate në rrjetet sociale, me shumë fansa që pyesnin pse ishte zgjedhur Adelina dhe jo Leonora Jakupi.
Gjatë eventit promovues, Don Xhoni tha se të dyja artistet janë ikona. Ai shpjegoi se pjesa e “100%” u përshtatej më mirë Adelina Ismaili-t. Reperi shtoi se zgjedhja u diktua nga energjia dhe koncepti që albumi synonte të përcillte, duke qartësuar se nuk bëhej fjalë për një krahasim mes dy këngëtareve.