Këngëtarja Dafina Zeqiri ka publikuar një video në TikTok, ku shfaqet duke lëvizur me automjet brenda hapësirave të Kalasë së Gjirokastrës. Pamjet, të cilat u përhapën shpejt, treguan makinën e artistes duke kaluar në ambientet e monumentit historik.
Kalaja e Gjirokastrës është pjesë e trashëgimisë botërore të UNESCO-s. Qarkullimi i automjeteve nuk lejohet për vizitorët, me qëllim mbrojtjen e strukturës historike dhe kalldrëmit. Megjithatë, institucionet mund të lëshojnë autorizime për raste të veçanta, si xhirime filmash, videoklipesh muzikore apo aktivitete të tjera që kërkojnë transport logjistik.
Besohet se hyrja e makinës në kala është bërë me lejen e autoriteteve përkatëse. Kjo ka nxitur spekulime se Dafina Zeqiri mund të ketë zgjedhur Gjirokastrën si skenë për një projekt të ri muzikor. Artistja nuk ka zbuluar detaje mbi atë që po përgatit, por videoja ka rritur pritshmëritë e fansave.