Zoti Gil u nxor nga gërmadhat e një ndërtese pas 100 orësh nga kontakti i parë me ekipet e shpëtimit. Për ta bërë të mundur shpëtimin e tij, u hoqën rreth 140 ton mbetje ndërtimi.
Një zjarrfikës nga Kili e përshkroi operacionin si më të vështirin dhe kompleksin në të cilin kishte marrë pjesë. Qindra njerëz nga Venezuela, Kili, Kosta Rika, El Salvadori, Meksika, Portugalia dhe Shtetet e Bashkuara u angazhuan për të shpëtuar zotin Gil.
Pasi u raportua i gjallë të shtunën, ekipet arritën të vendosnin kontakt vizual me të gjatë natës. Ata përdorën një kamerë të vogël të futur brenda rrënojave, duke i kërkuar atij të kthente kokën drejt saj.
Deri më tani, rreth 2.300 persona janë konfirmuar të vdekur nga tërmetet, ndërsa dhjetëra-mijëra të tjerë mbeten të zhdukur.