Pajisjet u financuan përmes Fondit Evropian për Paqe dhe janë ndarë në tre paketa. Paketa e parë dhe një pjesë e së dytës kanë mbërritur tashmë. Këto përfshijnë radarë, kamera termike, automjete transporti, simulatorë, radarë 3D dhe sensorë portativë. Paketa e tretë do të përfshijë pajisje logjistike, si dhe për njësitë e komunikimit dhe këmbësorisë.
Në prezantim morën pjesë kryeministri Hristijan Mickoski, ministri i Mbrojtjes Vllado Misajllovski dhe ambasadori i BE-së, Michalis Rokas.
Ambasadori Rokas theksoi rëndësinë e sigurisë si pjesë thelbësore e partneritetit evropian me Maqedoninë e Veriut, veçanërisht pas nënshkrimit të partneritetit për siguri dhe mbrojtje në vitin 2024. Ai shprehu kënaqësinë për rezultatet e dukshme të këtij partneriteti dhe theksoi angazhimin për të vazhduar bashkëpunimin ndaj sfidave të sigurisë.
Ministri Misajllovski konfirmoi vlerën prej 40 milionë eurosh, duke përmendur edhe 2 milionë euro shtesë për vendet e Ballkanit. Ai shprehu shpresën për pako të reja me pajisje shtesë dhe vlerësoi bashkëpunimin me delegacionin evropian.