Departamenti i Policisë për Sigurinë në Trafikun Rrugor në Gostivar privoi nga liria F.I. (36) nga fshati Vërtok. Ngjarja ndodhi më 2 korrik 2026, kur F.I. ishte përfshirë në një aksident trafiku në Gostivar me automjetin e tij “Volkswagen Caddy” me targa të Gostivarit.
Pas aksidentit, ai u largua nga vendi i ngjarjes. Policia e identifikoi dhe e gjeti autorin. Verifikimet zbuluan se ai drejtonte automjetin pa zotëruar leje drejtimi.
Me udhëzimin e prokurorit publik, shoferi u arrestua dhe automjeti u sekuestrua. Pas dokumentimit të plotë të çështjes, do të vijojë parashtresa përkatëse penale.